Message de Bruneau Laurette pour le 1er mai 2024

Le membre influent d’One Moris s’est adressé à la population dans le cadre de la Fète du Travail du 1er mai 2024 et il met l’accent sur le fait que cette journée a été éclipsée par les hommes politiques au lieu des travailleurs.

Le 1er Mai, nou selebre kontribisyon vital bann travayer. Malerezman, sa zournee telman sinifikatif là, li finn être éclipse par bann politicien , ziska li détourné de so vrai objectif ki ti bizin enn moment de partage ek repos mérité avec la famille.

Nou dan One Moris nou valorise reconexion familial pendant sa journée là. C’est ene opportunité pour montrer nou appreciation envers bann travayer ek zot fami, pour tou ce ki zot amèner dans nou communauté.

Exprime nou gratitid li crucial, mais li encore plus important pour reconnaît ek valorizé sacrifice ki nos bann travayer finn faire. Nou pens osi à bann kinn touché par chômage, surtout dan sa période kot kou la vie pa arrête monté, ki amenn difficulté pour boukou fami ki lutter pour subvenir à zot bann besoin de base, pou éduque zot zenfants, ek faire face à zot obligations financières. Nou attention porte aussi a bann victime de bann mesure disciplinaire injuste dan fonction publique, inclus bann agent pénitentiaire, ek tout individu privé de promotion à cause manque connexion politique.

One Moris , nou engaze nous pour change sa bann réalité là. Dans bann semaine ki venir, nou programme pou vinn révèle comment nou prévoir soutenir eficacement nou bann travayer ek zot fami.

célébration du 1er Mai bizin retourne a bann travayer ek zot fami; li bizin pas être accaparer par bann agenda politik. Rapel bien qui , bien-être familial li inestimable ek pa kapav être comparé à bann bénéfice matériel éphémère.

Ou fami c’est ou pilier constant, tandis ki bann figure politik zis de passage.

One Moris souhaite à zot tous ene joyeuse Fête du Travail en famille, plein de réflexion, de reconnaissance, ek d’unité.

Bruneau Laurette